جدہ: وزیراعظم شہباز شریف نے سعودی ولی عہد شہزادہ محمد بن سلمان سے ملاقات کی جس میں دو طرفہ تعلقات اور باہمی دلچسپی کے امور پر تبادلہ خیال کیا گیا۔
وزیراعظم بدھ کو چار روزہ دورے پر سعودی عرب پہنچے جہاں مکہ مکرمہ کے نائب گورنر شہزادہ سعود نے ان کا استقبال کیا۔ آرمی چیف جنرل عاصم منیر، نائب وزیراعظم اسحاق ڈار اور وزیراعلیٰ پنجاب مریم نواز بھی ان کے ہمراہ تھیں۔
بعد ازاں جدہ میں وزیراعظم شہباز شریف نے ولی عہد شہزادہ محمد بن سلمان سے ملاقات کی جس میں اہم پاکستانی حکام بھی موجود تھے۔
